තනිකම ඇවිදින් තනියට මා ළඟ හිඳ ඉකිබිඳිනවා
පාළු රැයේ හමන සුළං මූසලකම මුසු කරනවා
කුටියක සිරවුනු මාගේ හදවත හඬනව ඇහෙනවා
නොරටක තනිවු මාහට මගෙ අසරණකම දැනෙනවා
තනිකම සැපයි මිහිරියි කියලා සිතුනත් මට විටෙක
ඒ තනිකමම හැඬවූවා මා රඳවා සිර ගෙයක
හුදකලාව අතරින් සිහිවන නටබුන් වූ මතක
කඳුලැලි ගෙනාවේ දෙනෙතට බොඳකර දෙනුවන් හනික
පෙරදා ගෙවූ කාලය සමඟින් මාගේ මිතුරු කැළ
නෑදෑ පිරිවරයි, පවුලේ උදවිය මට දුන් රුකුල
තනිවූ විටදි සිහිවීලා හදවත පිරුණා කඳුල
සඟවා ගතිමි කඳුලට හිමිකරදි මගෙ හද පතුල
බන්ධන වැඩි විටදි නිතරම ජීවිතයට දුක ඒවී
වෙන්වූ විටදි ප්‍රියයන්ගෙන් දුක් ගිනි හද ඇවිලේවි
බුදු හිමි දෙසූ ඒ බණ පද මගෙ දෙසවන් පුරවාවි
ඒ මෘදු වචන තරමක හෝ මාහට සැනසුම දේවි
හිතට ඔබ කියන්න අයියේ ඉවසන්න කියා
ReplyDeleteනෙතට ඔබ කියන්න අයියේ නාඩන්න කියා
වැතිරී මොහොතකට පොළොවේ දෙනෙත පියා
මනසින් එන්න පියබා කය ඔහේ තියා
ඉවසා සිටිමි මල්ලියෙ මම සිතට කියා
ReplyDeleteඉනු කඳුලැලිත් සඟවමි හදපතුලෙ තියා
වෙන් වූ අපේ උන්ගේ ඒ සුවඳ සොයා
කය මෙහි තබා සිත හැමදා ගමට ගියා
උපන්නෙත් අඬාගෙන හෙලුවැල්ලෙන්
ReplyDeleteනිදන්නේත් තනිව අවසන් ඇසිල්ලෙන්
නො සිට තනිකමින් සැම දා ඇඩිල්ලෙන්
හොයාගෙන කිරිල්ලියකුත් ඉගිල්ලෙන්
අයියේ Jayya අයියා කිවූ විලසින්ම
ReplyDeleteකීමට සිත ඇති සියලු දේ එලෙසින්ම
ගන්නකො සොයා කෙල්ලෙක් ඔබ විසින්ම
දුක් දොම්නස් පාවී යයි විගසින්ම
මෙය කියවනා තනි නංගිලා මෙහි එන්න
ReplyDeleteකියවා මේ පිටුවේ ඇති දුක දැන ගන්න
ගොඩයා අපේ හොඳ කොල්ලෙකි හිත ගන්න
වෙකන්සියක් ඇත ඔබලට පුරවන්න
අයියා මලෝ දෙන්නා මේ එකතු වෙලා
ReplyDeleteදුන්නත් මෙලෙස ලස්සන උපදෙස් මාලා
දුටුවෙමි මඟුල් කරගත් උන් වැරදීලා
දාගන්නට බයයි උරචක්කර මාලා
වටයක් එලවලා වාහන ගත්තාට
වගකීමක් සමඟ විකුණන බඩු ගත්තාට
කෙල්ලෙක් එපා මට නම් දවසට දෙකට
අවැසියි කෙනෙකු මුළු ජීවිත කාලයට
සිංහල රටෙන් පිට වී මම කල් ගෙවනා
ගන්නේ කොහෙන් සොයලා යුවතියක් මනා
කබලෙන් ලිපට වැටුනොත් නැතිවේවි සිනා
නැතුවට කෙල්ලො සුපුරුදු තනිකම අගනා
දැලි පිහියක්ය අයියේ මේ පවුල් වැඩේ
ReplyDeleteනුවණ යෙදිමෙන් නොම දේ කිසිදු ලෙඩේ
යන්නට යටින් අයියට සෙනෙහසේ කුඩේ
මැවිලා පෙනෙන් කෙල්ලෙක් හන්දියේ කඩේ
ඔය ගැන සිතා කාලය වැය නොකරන්නේ
ReplyDeleteකොල්ලෙක් නොමැති කෙල්ලන් කළුනික වැන්නේ
හිමිනම් කෙනෙකු කෙදිනක හෝ හමුවන්නේ
නැත්නම් මෙලෙස තනිකඩවම මිය යන්නේ
අනේ පවු අසරන කොල්ල . . . . දුක් වෙන්න එපා මලේ . . . . උඹට අනිත් පලුව ඉක්මනට ලැබෙයි . . . . ඉවසපං.
ReplyDeleteකෝකටත් හොයාබැලුවනං . . . . සිංගප්පූරුවෙ ඉන්න්න හොන්ඳ හැදිච්ච සිංහල කෙල්ලෙක් හොයාගන්න බැරිවෙන එකකුත් නෑ
ඇයි බං ඇන්ඩිඅයියේ උඹලට එහෙම හිතෙන්නේ ??? මේක ලිවේ සිරාවට මම පට්ටම තනියම හිටපු දවසක. ගිය සතියට කලින් සතියේ, ගෙදර එකෙක්වත් නෑ. චැට් එකට අල්ලගන්න එකෙක් හෙව්වා ඒත් හිටියෙ නෑ. බලන්න කියලා පොතක් පතක්, ෆිල්ම් එකක් හෙව්වා. ඒත් තිබුනෙ නෑ. ඒ වෙලාවේ නම් සිරාවටම පට්ටම පාළුවක් දැනුනේ බං..... ඒ පාර තමයි මේක ලිවේ. අපොයි මම කරගත්ත ගොන් කමක් මේක බ්ලොග් එකේ දාලා...... $#%^^*%^%#$%%^*#%
ReplyDelete